Հարգելի բարեկամ, Ողջունում եմ Ձեզ ՀՀ Գյումրի քաղաքում գործող Հովհաննես Շիրազի թանգարանի կայք այցելելու համար: Ավանդապահ գյումրեցիները հպարտ են իրենց համաքաղաքացի, մեծ բանաստեղծի, հայ սիրելի զավակի հուշատուն-թանգարանը քաղաքի ամենակենտրոնական տարածքում ունենալու համար: Թանգարանը հիմնադրվել է 1983 թվականին, ուրախ եմ թանգարանի յուրաքանչյուր ձեռքբերման համար: Մեզ համար կարևոր է ձեզնից յուրաքանչյուրի առաջարկը թանգարանի ծառայությունները ձեզ առավել հասանելի դարձնելու համար:



Հովհաննես Շիրազի տուն-թանգարանի տնօրեն
Արա Պապանյան




Հայ մեծ բանաստեղծ Հ. Շիրազի հուշատուն-թանգարանը գործում է 2003թ. սեպտեմբերից: Տունը Հ. Շիրազին նվիրվել է 1983թ. հուլիսին ԱՄՆ միջազգային զարգացման գործակալության նախաձեռնությամբ : Սակայն բանաստեղծը չհասցրեց ապրել այս տանը, նա մահացավ 1984թ. մարտին: Շենքը հին կառույց է (1886թ), եղել է մեծահարուստ վաճառականի տուն: Բանաստեղծի հիշատակը հավերժացնելու և ժառանգությունը պահպանելու նպատակով Լենինականի տունը պիտի դառնար հուշատուն - թանգարան:








1988թ. դեկտեմբերի երկրաշարժի պատճառով թանգարանը դեռ չբացված, իրենց տանիքը գտան երկրաշարժից անօթևան մեկ տասնյակից ավելի ընտանիքներ, որոնց ԱՄՆ միջազգային զարգացման գործակալությունը 2000-2002թթ. ընթացքում հատկացրեց բնակարաններ` ազատելով և վերանորոգելով թանգարանի շենքը:


HOVHANNES SHIRAZ HOUSE-MUSEUM

Hovhannes Shiraz was a notable Armenian poet. Shiraz had earned so much popularity and respect, that United States Agency for International Development (USAID), not wanting to wait until Shiraz was dead to honor him, offered to give Shiraz a home to live in, which would later be turned into a house-museum.

Shiraz’s House-Museum is located on the Street of the Masters (Varpetats Poghots). The house was presented to Shiraz in July, 1983, by the initiation of United States Agency for International Development (USAID). The greatest poet did live to see the opening of the house, but, unfortunately, he never lived in it dying on March 14, 1984.

The house was an old building built in 1886. It belonged to a millionaire. During the Soviet Union it was used as a storehouse.

To honor the poets reminiscence and protect his inheritance, that house would later become into a house-museum . In 1988 because of the earthquake the works of the museum’s reconstruction were interrupted. 8 homeless families found shelter in that house. During 2000-2002 with the support of United States Agency for International Development (USAID) these families were given houses and the repair works of the museum were started.


Հարգելի գյումրեցիներ, ոչ միայն դուք եք հպարտ, որ ունեք Շիրազ, այլ ամբողջ հայությունը` աշխարհի բոլոր անկյուններում: Ես դաստիարակվել եմ Շիրազի ոգով, որով ապահովվել է իմ ազգային ոգին` ոչ թե լացով, այլ պայքարով:


[b]Վարչապետ Անդրանիկ.Մարգարյան
27.09.2003թ.




Սիրելի գյումրեցիներ, ես իմ երախտիքի խոսքն եմ ուղղում Ձեզ` մեծն Շիրազի տուն-թանգարանի ստեղծման համար: Շիրազը հայ ազգի պարծանքն է և հպարտությունը: Շնորհակալություն!

Երևանի քաղաքապետ` Ե. Զախարյան
27.09.2003






Կումայրի-Գյումրի… Հովհաննես Շիրազը ծնվել է որպես հայ ժողովրդի համար մի անձնավորություն, որը եղել է, կա ու կմնա որպես հայ ժողովրդի տիեզերական մտքի ներկայացուցիչ և ոչ միայն հայի, այլ նաև համաշխարհային մտքի մեծ օվկիանում նոր մարդու, նոր մտքի…



Քանդակագործ Կամո Սառիկյան




Անհավատալի հրաշք է ինձ համար, մի երազ. Հովհաննես Շիրազին պաշտող և իր բանաստեղծություններով արբեցող հայուհու համար: Երախտապարտ ենք Շիրազին: Յաջողութիւն`տուն-թանգարանը կանգուն պահողներին:



Նադիա Մելքոնեան, Հայուհի
Հոկտեմբեր 2003, Թեհրան




Շնորհակալ եմ բախտից, որ ինձ հնարավորություն ստեղծեց հյուրընկալվել տաղանդավոր բանաստեղծ Հ. Շիրազի տուն թանգարանում: Այս տան դռները այնքան հյուրընկալ էին, ինչպես, վստահ եմ, որ հյուրընկալ կլիներ նրա տերը, եթե ի ուրախություն մեր հայ ազգի լիներ կենդանի և ապրեր գոնե մինչև 100 տարի: Շնորհակալ եմ թանգարանի տնօրինությանը…


Գուժ Մանուկյան
27.04.11թ



Անչափ հուզված եմ ու տպավորված թե Շիրազի տուն-թանգարանի տնօրինության ընդունելությունից, թե "Հանրապետական ասմունքի մանկապատանեկան մրցույթ-փառատոնին" մասնակցած դպրոցականներից: Մեկ անգամ ևս համոզվեցի, որ Հովհաննես Շիրազի ծննդավայրում, Շիրազի տուն-թանգարանում, Շիրազի 95-ամյա հոբելյանին նվիրված փառատոնը դարձավ պատմական փաստ ու այն արժանացավ բարձր գնահատականի:


Մարիետա Մակարյան
Ասմունքի փառատոնի պատասխանատու քարտուղար
27.04.2011թ.



Իմ սիրելի գյումրեցիներ, երանի Ձեզ, որ ունեք այսքան շատ ու գովելի մեծեր… հզուր եք նաև դուք և մեր մեծերի նման… Շնորհակալ եմ և հավատում եմ Ձեզ` սիրելի Արա և Նարինե: Ձեզ միշտ երկրպագող` բանաստեղծուհի Լենա Անթառանյան



Ստեփան Զորյանի տուն-թանգարանի տնօրեն
30.09.09թ.